Украины Ерөнхийлөгч В.Зеленский Балтийн орнуудаар хийж буй айлчлалынхаа хүрээнд өнөөдөр /2024.01.11/ Эстонид хүрэлцэн иржээ. Тодруулбал, В.Зеленскийг угтан авч буй зургийг Эстонийн Гадаад хэргийн сайд Маргус Цахна нийтэлжээ. Тэрээр В.Зеленский болон Украины Гадаад хэргийн сайд Дмитрий Кулеба нарыг онцлон тэмдэглэж, "Сайн найз нөхөд, холбоотнуудаа угтан авах нь миний хувьд маш их нэр төрийн хэрэг" гэж бичжээ. Мөн Цахна "Украины талд бат зогсож. Бид хамтдаа энэ дайнд ялна" гэжээ.
Эх сурвалж: BBC
