Хиагт шалган нэвтрүүлэх боомтын байцаагч нар хууль бусаар ухаалга утас хил нэвтрүүлэхийг завдсан Монгол Улсын иргэнийг илрүүлжээ. Энэ талаар Буриадын гаалийн хэвлэлийн алба “Хиагт шалган нэвтрүүлэх боомтын байцаагч нар сэжиг бүхий хүрэм өмссөн Монгол Улсын иргэнийг анзаарч, шалгасан.
Шалгалтын явцад гаалийн байцаагчид тус иргэний хувцаснаас Apple, Samsung маркийн 22 ширхэг ухаалаг утас илрүүлсэн. Хилээр олон тооны утас нууцаар давуулахыг завдсан Монгол Улсын иргэн “Улаанбаатараас Эрхүү хот руу аялал жуулчлалын зорилгоор явж байгаа. Эдгээр утаснуудыг найзууддаа өгөх гэж авч явсан” хэмээн тайлбарласан. Тус баримтыг үндэслэн шалгаж үзээд Буриадын гаалийн байгууллага уг үйлдлийг хууль бус хэмээн үзэж, захиргааны зөрчлийн хэрэг үүсгэж, шүүхэд шилжүүлсэн бөгөөд хил гаргахыг завдсан барааг хурааж, холбооны өмч болгох хэлбэрээр шийтгэх шийдвэр гаргасан” гэж мэдээлжээ.
