СЭРЭМЖЛҮҮЛЭГ: Өнөө маргаашдаа ихэнх нутгаар хүйтний эрч чангарахыг анхаарууллаа

СЭРЭМЖЛҮҮЛЭГ: Өнөө маргаашдаа ихэнх нутгаар хүйтний эрч чангарахыг анхаарууллаа

Өнөө маргаашдаа ихэнх нутгаар хүйтний эрч чангарахыг Ус цаг уур, орчны шинжилгээний хүрээлэнгээс анхаарууллаа. Тодруулбал, өнөөдөр /2024.02.13/ төв болон зүүн аймгуудын нутгаар цас орж, цасан шуурга шуурч, ихэнх нутгаар хүйтний эрч чангарах бол маргааш /2023.02.14/ төв болон зүүн аймгуудын нутгийн зарим газраар, энэ сарын 15-нд Монгол-Алтай, Хангай, Хөвсгөлийн уулархаг нутгаар, энэ сарын 16-нд баруун аймгуудын нутгийн баруун болон хойд, төвийн аймгуудын нутгийн хойд хэсгээр цас орж, цасан шуурга шуурах төлөвтэй байгаа аж. 

Салхи өнөөдөр говь, тал, хээрийн нутгаар, энэ сарын 15-нд Монгол-Алтайн уулархаг нутгаар секундэд 12-14 метр, 16-нд баруун болон төвийн аймгуудын нутгийн зарим газраар секундэд 18-20 метр хүрч ширүүснэ.

Ихэнх нутгаар хүйтний эрч чангарч Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -38...-43 градус, өдөртөө -23...-28 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Ерөө, Туул, Тэрэлж, Хэрлэн голын хөндийгөөр шөнөдөө -28...-33 градус, өдөртөө -15...-20 градус, говийн бүс нутгийн хойд болон зүүн хэсгээр шөнөдөө -16...-21 градус, өдөртөө -8...-13 градус, Хангайн нурууны өвөр бэл, говийн бүс нутгийн өмнөд хэсгээр шөнөдөө -10...-15 градус, өдөртөө -3...-8 градус, бусад нутгаар шөнөдөө -22...-27 градус, өдөртөө -11...-16 градус хүйтэн байна. Энэ долоо хоногийн Пүрэв гараг буюу энэ сарын 15-нд нутгийн баруун хагаст, энэ сарын 16-нд ихэнх нутгаар хүйтний эрч суларна гэж Ус цаг уур, орчны шинжилгээний хүрээлэнгээс мэдээллээ.




Улаанбаатарт 16 градус хүйтэн байна

1 цагийн өмнө

Шуурхай мэдээ
Өнөөдөр тахиа өдөр

2 цагийн өмнө