Мэргэжлийн сумогийн 69 дэх их аварга Хакүхо М.Даваажаргалын Японы сүмо бөхий холбооноос гарах өргөдлийг хэлэлцээд Гүйцэтгэх зөвлөл нь хүсэлтийг нь хүлээн авч шийдвэрлэсэн.
Түүнчлэн “Миягино” дэвжээний бөхчүүдийг “Исэгахама”-гийн харьяанд үргэлжлүүлэн байлгахаар санал нэгтэй шийдвэрлэснээ дурдсан юм. Тэгвэл Исэгахама ояката Хакүхогийн ажлыг авч, “Миягино” дэвжээг удирдана. Харин 73 дахь аварга Тэрүнофүжи Г.Ган-Эрдэнэ “Исэгахама” дэвжээг удирдаж, үйл ажиллагааг нь үргэлжлүүлэхээр болжээ.
