АНУ-ын тэрбумтан Жефф Безос, түүний сүйт бүсгүй, телевизийн хөтлөгч Лорен Санчес нарын Венец хотноо хийхээр төлөвлөсөн тансаг хуримыг эсэргүүцэгчид “том ялалт” хэмээн зарласан байна. Учир нь хуримын гол арга хэмжээг хотын төвөөс гадуур шилжүүлэхээс өөр аргагүйд хүрсэн байна.
Орон нутгийн идэвхтнүүдийн мэдээлснээр, хотын төв болох Гэгээн Маркийн талбайд том хэмжээтэй эсэргүүцлийн баннер өлгөж, Венецийг баячуудын хувийн баяр ёслолын талбар болгохыг эрс эсэргүүцсэн нь хуримын зохион байгуулалтад шууд нөлөөлжээ. Эсэргүүцэгчид “Хэрэв та Венецэд хурим хийж чадвал, илүү их татвар төл!” гэсэн утгатай уриаг хотын гол талбайд байрлуулсан нь олон нийтийн анхаарлыг татсан юм.
Анхнаасаа хуримын баярын гол арга хэмжээг Венецийн төвд орших дундад зууны үеийн түүхэн барилга болох Scuola Grande della Misericordia-д хийхээр төлөвлөж байсан ч, энэ төлөвлөгөө нь цуцлагдаж, арга хэмжээ Венецийн Арсеналд буюу хотын төвөөс гадуурх, хаалттай бүс рүү шилжсэн байна.
Гурван өдрийн турш үргэлжлэх хуримын баярын албан ёсны хөтөлбөр, байр байршлын талаар ил тод мэдээлэл хийгдээгүй байгаа ч, арга хэмжээ Бямба гарагт дуусах ажээ. Эсэргүүцэгчдийн зүгээс энэхүү шилжилтийг “олон нийтийн эсэргүүцлийн үр дүн”, “жинхэнэ ялалт” хэмээн тодорхойлсон байна.
Эх сурвалж: BBC
.jpg)
