"COVID-19" халдвараас урьдчилан сэргийлэх ажилтай холбогдуулан Дорноговь аймгийн Засаг даргын захирамжаар аймгийн хэмжээнд гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг тавдугаар сарын 01-нээс тавдугаар сарын 31-нийг хүртэл сунгалаа.
Эл захирамжийн дагуу аймгийн хэмжээнд сүм хийд, шашны байгууллага болон баар /караоке, диско гэх мэт/-ны үйл ажиллагааг түр зогсоов.
Мөн аймгийн хэмжээнд согтууруулах ундаа худалдах цагийн хуваарийг 10:00-20:00 цаг хүртэл байхаар тогтоов. Харин спорт, заал, фитнесийн үйл ажиллагааг хэвийн явуулах бөгөөд олон нийтийг хамарсан уралдаан, тэмцээн зохион байгуулахгүй, хүүхдэд үйлчлэхгүй байхаар шийдвэрлэлээ.
