БНСУ-ын төрийн бус байгууллага БНАСАУ-д коронавирусийн халдварт өвчинтэй тэмцэхэд нь зориулж 100 сая вон буюу 81 мянган ам.долларын халдваргүйжүүлэгч бүтээгдэхүүн илгээжээ.
БНСУ-ын Үндэстнээ нэгтгэх яамны төлөөлөгчийн мэдэгдсэнээр, БНСУ-ын Засгийн газар энэ онд анх удаа БНАСАУ руу халдваргүйжүүлэгч бүтээгдэхүүн явуулахыг зөвшөөрсөн нь энэ аж. Тэрбээр энэхүү төрийн бус байгууллагын талаар болон нийлүүлэлт хийх чиглэлийн талаар дэлгэрэнгүй мэдээлэл өгөөгүй байна.
Өнгөрсөн дөрөвдүгээр сард өөр нэг төрийн бус байгууллага БНАСАУ руу коронавирусний цар тахалтай тэмцэхэд нь зориулж 20 мянган амны хаалт нийлүүлэхээр төлөвлөж байсан хэдий ч хүмүүнлэгийн ачаа бараагаа одоо хүртэл илгээж чадаагүй байна.
Засгийн газар арга хэмжээ авч хэрэгжүүлсний хүчинд БНАСАУ-д коронавирусний халдварын нэг ч тохиолдол бүртгэгдээгүй байна. Тухайлбал, БНХАУ-д халдвар дэгдэж эхэлсний дараахан БНАСАУ хилээ бүрэн хаажээ.
БНСУ-н эрх баригчид цар тахалтай тэмцэхэд нь тусламж үзүүлэхийг БНАСАУ-д нэг бус удаа санал болгожээ. Гэсэн хэдий ч БНАСАУ-н эрх баригчид энэ хүсэлтэд хариу өгөөгүй байна.
Эх сурвалж: Yonhap
