Украины Тэнгисийн цэргийн хүчин өнгөрсөн шөнө Хар тэнгист Оросын хөлөг онгоцыг сүйрүүлсэн гэж мэдэгдлээ. Тодруулбал, Оросын "Василий Бех" хэмээх хөлөг Могойн арал орчим Украины хоёр пуужинд оногдож живсэн гэсэн байна.
Мөн Украины Зэвсэгт хүчний Стратегийн харилцаа холбооны газар хоёр пуужин хөлөг рүү агаараас цохилт өгч буйг харуулсан видеог нийтэлжээ. Хөлгөөр Оросын армийн байлдааны сум, зэвсэг зэргийг тээвэрлэж байсан аж.
Уг мэдээллийг Оросын талаас хараахан батлаагүй байна. Хэрэв батлагдвал Василий Бех өнгөрсөн хоёрдугаар сараас хойш Украины дайралтад өртөж, сүйрсэн Оросын 14 дэх хөлөг онгоц болно хэмээн “Moscow Times” мэдээлжээ. Хамгийн сүүлд Украины арми Москва хөлөг онгоцыг сүйрүүлсэн.
Шинжээчдийн зүгээс энэ удаагийн ажиллагааг Оросын Хар тэнгисийн бүслэлтийг задлах зорилготой цохилт гэж тодорхойлж байна.
#Ukraine: Big news from the Black Sea- the Ukrainian Navy claims to have destroyed the Russian "Vasily Bekh" rescue vessel, as it travelled to the famous Snake Island; it reportedly had a Tor-M2KM SAM system on board.
— 🇺🇦 Ukraine Weapons Tracker (@UAWeapons) June 17, 2022
The strike was filmed by a TB-2 drone; 2 munitions are used. pic.twitter.com/pCjMf2RX4d
Эх сурвалж: Moscow Times
