МИАТ: Ням гарагт Сөүлээс ирэх монгол иргэдийг 14 хоног тусгаарлана гэдэг нь ташаа мэдээлэл

МИАТ: Ням гарагт Сөүлээс ирэх монгол иргэдийг 14 хоног тусгаарлана гэдэг нь ташаа мэдээлэл

Олон нийтийн цахим сүлжээ болон, зарим хэвлэлүүдээр Ням гарагт Сөүл-Улаанбаатар чиглэлийн нислэгээр 100 иргэн эх орондоо ирэх ба тэднийг 14 хоног тусгаарлах тухай мэдээлэл гараад байгаа билээ.

Харин дээрх мэдээллийн дагуу Үндэсний агаарын тээвэрлэгч МИАТ ТӨХК албан ёсны тайлбар гаргажээ. Энэхүү тайлбарт:

"2020 оны 02 дугаар сарын 23-ны Ням гарагийн МИАТ компанийн Сөүл – Улаанбаатар чиглэлийн нислэгээр 100 иргэн эх орондоо ирэх ба тэднийг 14 хоног тусгаарлах тухай эх сурвалж тодорхой бус, илтэд худал мэдээлэл олон нийтэд тарааж буйд Үндэсний агаарын тээвэрлэгч МИАТ ТӨХК харамсаж байна. Бид Улсын Онцгой Комиссын Коронавирусийн (COVID-19) асуудал хариуцсан хурандаа н.Мандахбаяраас тодруулахад дээрх мэдээлэл ташаа болохыг хэлсэн.

Иймд дээрх мэдээллийн сайтууд зорчигчдыг төөрөлдүүлсэн худал мэдээллээ залруулж дахин иймэрхүү эх сурвалж тодорхой бус мэдээлэл тараахгүй байхыг хүсэж байна" гэжээ.

Одоогийн байдлаар МИАТ ТӨХК-ийн Сөүл чиглэлийн нислэг хуваарийн дагуу хэвийн үйлдэгдэж байгаа юм байна.




ОХУ-д хүчтэй дэлбэрэлт болж 13 хүн бэртжээ

18 цагийн өмнө

Шуурхай мэдээ