Монгол банкны үндсэн үүрэг бол үндэсний мөнгөн тэмдэгт төгрөгийн тогтвортой байдлыг хангахад оршдог. Гэвч өнгөрөгч оны аравдугаар сараас хойш төгрөгийн ам.доллартай харьцах ханш тасралтгүй буурсаар байна.
Тодруулбал, 2024.10.01-ний өдөр ам.доллар 3380 төгрөгтэй тэнцэж байсан бол өчигдрийн байдлаар /2025.01.13/ ам.долларын ханш 3426 төгрөгтэй тэнцэж байна. Энэ нь сүүлийн гурван сарын хугацаанд ам.долларын ханш 46 төгрөгөөр, он гарсаар 6 төгрөгөөр өссөн үзүүлэлт юм. Албаны эх сурвалж үүний шалтгааныг импортын өсөлттэй холбон тайлбарлаж байгаа билээ.
