“Улаанбаатар метро” төслийн захирал Т.Мөнхдалайг яллагдагчаар татан үргэлжлүүлэн хорих саналыг прокуророос шүүхэд хүргүүлсэн талаар бид мэдээлсэн.
Тэгвэл түүнийг нэг сар цагдан хорихоор болжээ. Тодруулбал, Нийслэлийн Прокурорын газрын хяналтын прокуророос ирүүлсэн, Эрүүгийн хуулийн тусгай ангийн 18.6 дугаар зүйлийн 1 дэх хэсэгт заасан “Мөнгө угаах” гэмт хэрэг, Эрүүгийн хуулийн тусгай ангийн 22.4 дүгээр зүйлийн 2 дахь хэсэгт заасан “Нийтийн албан тушаалтан хахууль авах” гэмт хэрэг тус тус үйлдэхэд дэмжлэг үзүүлж, хамжигчаар хамтран оролцсон гэх хэрэгт мөрдөн шалгах ажиллагаа явуулж, эрүүгийн хэрэг үүсгэн яллагдагчаар татсан Т.Мөнхдалайд цагдан хорих таслан сэргийлэх арга хэмжээ авах тухай саналыг 2026 оны зургаадугаар сарын 04-ний өдөр шүүх хүлээн авч хянан шийдвэрлэжээ.
Шүүх хэргийн материалд цугларсан нотлох баримтууд, шүүхийн хэлэлцүүлэгт гаргасан прокурорын санал зэргээс үзэхэд Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.3 дахь заалтад заасан“...хэргийн ул мөр, эд мөрийн баримт, нотлох баримтыг устгах,өөрчлөх, нуун далдах, хуурамчаар үйлдэх.. гэмт хэрэг үйлдэх үндэслэл бүхий баримт, мэдээлэл байгаа;” гэсэн үндэслэлээр яллагдагч Т.Мөнхдалайд цагдан хорих таслан сэргийлэх арга хэмжээ авах тухай прокурорын саналыг хангаж шийдвэрлэх нь зүйтэй гэж үзсэн байна.
.jpg)
