Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жилийн ойн баяр наадамд шинээр цол авсан бөхчүүддээ хамтран ажиллагч байгууллагууд болон нутгийн зөвлөлөөс мялааж байгаа билээ.
Энэ жилийн наадамд тав даван Улсын начин цол хүртсэн Г.Жамбалдоржийг "Монгол Ванн" ХХК үүсгэн байгуулагчид буюу Л.Алтангэрэл, Ж. Мөнхцэцэг нарын гэр бүлээс 2 өрөө байраар шагнажээ. Г.Жамбалдоржийн хувьд энэ жилийн наадмаар гурвын даваанд Улсын заан Д.Баасандоржоор, дөрвийн даваанд Улсын начин О.Цэцэнцэнгэлээр, тавын даваанд Улсын харцага Н.Золбоогоор давж начин цолын болзол хангасан билээ.
