Шатахуун тээвэрлэж яваад Хөвсгөл аймгийн Цагаан-Уул сумын Тосон багийн “Дөрөлж нуур”-т живсэн чиргүүлтэй автомашиныг татан гаргах ажиллагаа үргэлжилж байна.
Тодруулбал, Хөвсгөл аймгийн Цагаан-Уул сумын Тосон багийн “Дөрөлж нуур” гэдэг газар /аймгийн төвөөс баруун хойд зүгт 144 км, сумын төвөөс зүүн урд зүгт 13 км/-т шатахуун ачсан автомашин /чиргүүлтэй/ “Дөрөлж” нууранд живсэн тухай дуудлагыг 12.01-ний өдрийн 22:35 цагт хүлээн авсан.
Тус аймгийн Онцгой байдлын газрын дарга хурандаа Ё.Пүрэвсүрэнгээр ахлуулсан алба хаагчид, тус сумын Засаг даргын Тамгын газрын ажилтнууд “ZZ1257 Хово” загварын шатахуун тээвэрлэгчийг татан гаргах ажиллагааг 12.06-ны өдрийн 09:30 цагаас 18:48 цаг хүртэл зохион байгуулсан. 12:07-ны өдрийн 09:30 цагт дахин эхлүүлнэ. /Мөсний зузаан 60 см, усны гүн нь 3.1 метр байна./
