Төөрсөн, сураггүй болсон иргэнийг эрэн хайж байна. Тодруулбал, Хэнтий аймгийн Цэнхэрмандал сумын Баянмод багийн “Эмгэн толгой” гэдэг газар /аймгийн төвөөс баруун зүгт 145 км, сумын төвөөс урд зүгт 20 км-т тус сумын харьяат иргэн О энэ сарын 08-ны өдөр гэрээсээ гараад сураггүй болсон тухай дуудлагыг энэ сарын 20-ны өдрийн 12:00 цагт хүлээн авсан.
Тус аймгийн Онцгой байдлын газрын Эрэн хайх, аврах салбарын алба хаагчид, сумын Засаг даргын Тамгын газрын мэргэжилтнүүд иргэн О /50 настай, эмэгтэй/-ыг тус сумын Баянгол багийн “Цагаан хөтөл”, “Өвөр бэл”, “Ганц мод”, “Алтан-Уул“, “Бүдүүний- Ам”, “Өвгөний- Ам”, “Цагаан давааны-Ар”, “Өндөр хангай” гэдэг газраар 30 км-н тойрогт явганаар буюу нисгэгчгүй нисдэг төхөөрөмжөөр /дрон/-өөр эрэн хайх ажиллагааг зохион байгуулж үр дүнд хүрээгүй тул 17:00 цагт түр зогсоосон. Арванхоёрдугаар сарын 23-ны өдрийн 07:30 цагт эхлүүлсэн.
