Цахим сүлжээ болон гадаадын зарим хэвлэлээр өөрсдийгөө "Казахстаны чөлөөлөх фронт" гэж нэрлэсэн бүлэглэлийнхэн ОХУ-ын илгээсэн энхийг сахиулах хүчний цэргүүд болон Казахстаны аюулгүй байдлын хүчний эсрэг тэмцэнэ гэсэн амлалт өгч буй бичлэг цацагдаад байна.
Бичлэг хийсэн этгээдүүд нүүрээ нуусан байсан бөгөөд Орос хэлээр ярьж байгаа юм. Гэвч гадаадын цөөнгүй иргэн уг бичлэгийг Казахстанчуудын тэмцлийг террорист үйл ажиллагаа болгож харагдуулах гэсэн “зохиомол жүжиг” гэж нэрийдэж байна. Иргэдийн зүгээс бичлэгт гарч буй хүмүүс Казах аялгагүй байгаа нь сэжиг төрүүлж байна гэжээ. Мөн зарим иргэн уг бичлэгийг Оросууд зориудаар хийсэн байж болзошгүй үзэж байна.
Big development in Kazakhstan. A group calling themselves the "Kazakhstan Liberation Front" have released a video promising to fight against the CSTO deployment as well as the security forces of Kazakhstan. pic.twitter.com/r7vubvvS47
— Kyle Glen (@KyleJGlen) January 7, 2022
