Монголын эртнээс уламжилж ирсэн сар шинийн баяр энэ жилийн хувьд шинийн гурван өнжиж шууд шинийн дөрвөн болж байгаа гэдгээрээ онцлог болж байгаа билээ.
Энэ ч утгаараа тавгийн идээг битүүний өдөр засч, шинийн 3-нд багасгаж, хурааж болдог заншилтай ч энэ жилийн хувьд шинийн 4-ны өдрөө хурааж болно гэж зурхайч нар үзэж байгаа аж. Эсвэл Монголчууд сондгой тоог бэлэгшээдэг учраас шинийн 5-нд аа ч хурааж болно гэж заажээ.
Тавгийн идээтэй холбоотой цээрлэх ёсыг дурдвал,
- Бэр болоогүй, өрх толгойлсон бүсгүй хүн идээ, шүүс тавихыг цээрлэнэ.
- Мөн тийм бүсгүй айлд айлчилахад шүүсэнд хүрэхийг хориглоно.
- Гэрийн эзэн хүрээд, өөрийнхөө гараар түгээнэ. Эр хүн бол шүүсэнд өөрөө хүрнэ.
- Шинийн гурвандаа тавгаа хурааж идээгээ зөвхөн гэр бүлийн хүрээнд хүртээдэг.
- Идээгээ ойрын хүмүүс, хамаатан садан, хөрш айл саахалтдаа тараагаад байдаггүй. Учир нь удам судар урт удаан үргэлжилнэ хэмээн бэлгэддэг
