Нийслэлд өдөрт 97 чиглэлд 940 орчим автобус үйлчилгээнд гарч байгаа бөгөөд бүх шатны боловсролын байгууллагууд өнөөдрөөс эхэлж байгаатай холбогдуулан зам тээврийн хөдөлгөөн эрс нэмэгдсэн юм.
Тэгвэл маргаашаас /2022.02.15/ Нийтийн тээврийн хүрэлцээг нэмэгдүүлэх зорилгоор автобусны зарим чиглэлийг уртасгаж, өөрчлөлт оруулахаар болжээ. Үүнд, Ч:57 чиглэлийг Улаанчулуутын эцсээс Алтан-Овоо чиглэлийг 1.8 км буюу гурван зогсоолоор сунгаж байна. Мөн Ч:18А чиглэлийг Хасбаатарын гудамж буюу Бичил VI хорооллоор хотын төвийн чиглэлд үйлчилгээ үзүүлэхээр төлөвлөжээ. Тус чиглэл нь III, IV хороолол-ДЦС-3-“Ард” кинотеатр чиглэлд зорчдог байсныг ийнхүү өөрчилсөн байна.
