Орос улс Украины эсрэг “том хэмжээний мэдээлэл, сэтгэл зүйн ажиллагаа” явуулахаар бэлтгэж байна гэж Батлан хамгаалахын сайд А.Резников өнөөдөр /2022.03.01/ мэдэгджээ.
А.Резников мэдэгдэлдээ, “Үүний зорилго нь Украинчууд болон Украины армийн эсэргүүцлийг худал хуурмагаар эвдэх явдал юм. Орос улс "харилцаа холбооны асуудал" үүсгэхээр төлөвлөж, Украины цэрэг, улс төрийн удирдлага Оросын хүчинд "бууж өгөхийг зөвшөөрсөн" гэх мэдээлэл зохиохоор төлөвлөж байна. Үүний баталгаа болгон гарын үсэг зурсан гэх хуурамч бичиг баримт, засварласан хуурамч видеог тараах болно. Энэ бол худлаа. Ийм зүйл болохгүй. Бууж өгөх зүйл байхгүй. Зөвхөн ялалт" гэжээ.
Эх сурвалж: CNN
