Украины агаарын довтолгооноос хамгаалах зэвсэгт хүчин "Оросын орчин үеийн байлдааны нисэх онгоцны эсрэг ихээхэн амжилт гаргасан” гэж Их Британийн Батлан хамгаалах яам өнөөдөр /2022.03.09/ твиттер хуудастаа мэдэгджээ.
ОХУ-ын түрэмгийллийн талаарх сүүлийн үеийн тагнуулын мэдээнд, “Оросын цэргүүд Киевийн баруун хойд хэсэгт байлдааны ажиллагаагаа үргэлжлүүлсээр байгаа ч ямар нэгэн "амжилт" гаргаж чадаагүй. Украины Харьков, Чернигов, Сумы, Мариуполь хотууд "Оросын армид бүслэгдсэн хэвээр байгаа бөгөөд хүчтэй буудлагад өртсөөр байна" гэжээ.
Эх сурвалж: CNN
