Бурхан багшийн их дүйчин өдрийг тохиолдуулан Монголын бурхны шашинт сүм хийдүүдийн холбоо, Буяны далай дэлгэрүүлэгч төвөөс шашин урлагийн цэнгүүн, монгол түмний галын их тахилгын талаар мэдээлэл хийлээ.
Энэ талаар Монголын бурхан шашинтны шинэ төвийн тэргүүн З.Санждорж "Нийгэм өөрчлөгдөж байхад социализмын үеийнхээрээ байсаар байгаа тул сүсэгтнүүдийн тоо цөөрсөөр байна. Тиймээс бурхны шашны шинэчлэлийн хөдөлгөөнийг орон даяар өрнүүлж байна. Бурхан багшийн их дүйчин өдрийг угтаж, тавдугаар сарын 16-нд Монголын Үйлдвэрчний Эвлэлийн Соёлын Төв ордны бага танхимд 14 цагаас хийдүүдийн хамба лам, эрдэмтэн судлаачид бурхны шашны хөгжил, алдаа, оноо, шинэчлэлийн талаар хэлэлцэнэ. Үйл ажиллагаа үнэ төлбөргүй, хүрэлцэн ирэхийг урьж байна" гэв
