Улаанбаатар-Франкфурт чиглэлд зургадугаар сараас эхлэн долоо хоногт таван удаа нислэг үйлдэхээр болсныг МИАТ ТӨХК-аас мэдэгдлээ. Тодруулбал, Даваа, Мягмар, Лхагва, Баасан, Бямба гарагт Боинг 767-300 агаарын хөлгөөр зогсолтгүй шууд нисэхээр болсон байна. Эргэн сануулахад, Засгийн газрын тавдугаар сарын 4-ний өдрийн хуралдаанаар Франкфуртийн чиглэлийн нислэгийг нэмэгдүүлж, МИАТ ТӨХК-д татаас өгөх шийдвэр гаргасан юм.
