Цагдаагийн байгууллагад өнгөрсөн Баасан гарагт буюу есдүгээр сарын 16-ны өдрийн /2022.09.16/ 13:00 цагийн орчимд Сонгинохайрхан дүүргийн нутаг дэвсгэрт “Сургуулийн хажууд гар утсаа алдсан” гэх дуудлага, мэдээлэл бүртгэгджээ.
Тус дуудлагын дагуу тус дүүрэг дэх цагдаагийн газрын нэгдүгээр хэлтсээс шалгахад 11 настай охины гар утсыг 32 настай эрэгтэй “Д” гэгч халааснаас нь хулгайлан авч зугтсаныг шуурхай илрүүлэн мөрдөн шалгах ажиллагааг үргэлжлүүлж байна.
Иймд иргэд гудамж талбай, олон нийтийн газраар явахдаа аюулгүй байдалдаа анхаарч эд зүйл, гар утсаа сонор сэрэмжтэй авч явахыг сэрэмжлүүллээ.
