Д.Одбаярыг сулласан ч БНСУ-ын цагдаагаас уг хэрэгт татаж байцаана

2019-11-01 10:38

Д.Одбаярыг сулласан ч БНСУ-ын цагдаагаас уг хэрэгт татаж байцаана

Монгол Улсын Үндсэн хуулийн Цэцийн дарга Д.Одбаяр болон түүнийг дагалдан явсан А нар аравдугаар сарын 31-ны Улаанбаатараас Сөүлийн чиглэлийн онгоцоор зорчиж явахдаа онгоцны үйлчлэгч болох 20 гаруй насны эмэгтэйн өгзөгөнд гар хүрч улмаар бэлгийн дарамт үзүүлсэн хэргээр Инчоны олон улсын нисэх онгоцны буудалд саатуулагдсан талаар бид өмнө нь мэдээлсэн.

Гэхдээ түүнийг Венийн хэлэлцээрийн дагуу түр сулласан ч цагдаагаас удахгүй уг хэрэгт татаж байцаах юм байна.

Венийн хэлэлцээрийн дагуу гадаад харилцааны ажилтан нь эрүү болон иргэний, захиргааны шүүхийн мэдүүлэг, гэрчлэлээс чөлөөлөгдөх зохицуулалттай аж. 

Түүнийг дагалдан явсан А /42 настай/нь мөн үйлчлэгч бүсгүйн мөрөн дээр гараа тавих зэргээр ёс зүйгүй авирласан байна. Тиймээс цагдаа нар тэднийг онгоцноос буухад нь  баривчилжээ.

Д.Одбаяр нь өчигдөр 17.00 цагт Сөүл-Улаанбаатарын чиглэлийн нислэгээр Индонез улсад болох Олон улсын Цэцийн гишүүдийн хуралд оролцохоор Солонгосоор дамжин зорчиж явж байжээ.

2019-11-01 10:19

ҮХЦ-ийн дарга Д.Одбаяр бэлгийн дарамт үзүүлсэн хэргээр БНСУ-д баривчлагджээ

Монгол Улсын Үндсэн Хуулийн Цэцийн дарга Д.Одбаяр өчигдөр /2019.10.31/ Улаанбаатараас БНСУ-ын нийслэл Сөүл хот руу ниссэн нисэх онгоцны үйлчлэгчийн өгзөгөнд хүрсэн хэргээр баривчлагдсан байна. Түүнийг өнөөдөр өглөө Инчеоны олон улсын нисэх онгоцны буудлын цагдаа нар баривчилжээ. 

Энэ талаар БНСУ-ын Yonhap агентлагийн вэб сайтад бичихдээ "Монгол Улсын Үндсэн Хуулийн цэцийн дарга 52 настай Д.Одбаярыг нисэх багийн ажилчны биед халдаж, бэлгийн дарамт учруулсан хэргээр баривчиллаа" хэмээн бичжээ. Мөн түүнийг онгоцны багийн ажилчдыг дарамталж, зүй бус авирласан гэж үзэж байгаа аж. 

Эх сурвалжийн мэдээллийг ЭНД ДАРЖ  үзнэ үү.