“ТЭСО” компанийн программистууд байгууллагын болон цалингийн тодорхойлолт авдаг ТҮЦ машин зохион бүтээжээ. Тодруулбал, тус машинаас ажилчид нь цалингийн тодорхойлолт, ажлын газрын тодорхойлолт, бүртгэлийн мэдээлэл зэргээ шалгаж бичиг хэрэг хөөцөлдөх цаг зав хэмнэдэг болсон байна.
Мөн корпорацийн хэмжээнд нэг бичиг хэргийн ажилтны өдрийн ажлыг нугалдаг болсон аж. Нэг бичиг хэргийн ажилтанд өдөрт 60-70 тодорхойлолт авах хүсэлт ирдэг байна.
Прогроммистууд ТҮЦ машин зохион бүтээх санаачлагыг дөрөвдүгээр сард гаргаж, гурван сарын хугацаанд программ хөгжүүлэлтийн ажил хийжээ. Улмаар өнгөрөгч долдугаар сард хэрэглээнд нэвтрүүлсэн аж. Одоо тус төхөөрөмж нь өдөрт 50-60 ажилтанд тодорхойлолт гаргаж өгдөг юм байна.
