БНСУ-ын Хойд Кёнсон мужийн Гимчон (김천대) Их Сургуулийн 23 настай монгол оюутан Д.Номин-Эрдэнэ Солонгос улсын шүдний техникчийн улсын шалгалтад тэнцсэн тухай Солонгос мэдээллийн сайт онцолжээ.
News.unn.net сайтын онцлох нийтлэлд "Шүдний техникчийн улсын шалгалтад 60 гаруй насны оюутан Пак Шин Ок, гадаад оюутан Д.Номин Эрдэнэ нар тэнцжээ. Шалгалтад тэнцэх зорилгоор шүдний болон амны хөндийн мэдлэг, шүдний төхөөрөмж үйлдвэрлэх ур чадварыг хөгжүүлэх Тэнхимийн декан Ким Хонг Шик, "41 дэх шалгалтын дараа хоёр дахь олон улсын оюутан тэнцсэн нь гайхалтай амжилт" хэмээжээ. Дэлгэрэнгүй мэдээллийг ЭНД ДАРЖ харна уу.
Мөн Кимчон их сургуулиас энэ сарын 23-ны өдөр мэдээлснээр "шүдний инженерийн чиглэлээр дөрөв дахь жилдээ суралцаж буй Пак Шин-ок (64 настай, эмэгтэй) болон Дашкебег Номин Эрдэнэ (23 настай, Монгол, эмэгтэй) нар эцэст нь "Шүдний техникчийн улсын 50 дахь удаагийн шалгалт"-д тэнцсэн байна. БНСУ-ын Эрүүл мэндийн мэргэжилтнүүдийн шалгалтын хүрээлэнгээс (Ерөнхийлөгч Юнсон Ли) явуулдаг шүдний техникчдэд зориулсан үндэсний шалгалт нь шүд, амны хөндийн чиглэлээр өндөр түвшний мэдлэг, шүдний протез, гажиг заслын хэрэгсэл үйлдвэрлэх маш сайн чадвартай байхыг шаарддаг" гэсэн юм.
Энэ талаар Д.Номин-Эрдэнэ, "Би Солонгосын шүдний технологийн клиник талбарт туршлага хуримтлуулж, дэлхийн хамгийн сүүлийн үеийн техник, технологид суралцан гүнзгийрүүлэн судалснаар ирээдүйд монголдоо амны хөндийн эрүүл мэндийг сайжруулахын төлөө ажиллахыг хүсэж байна" гэжээ.
