Их Британийн цэргийн тагнуулын алба твиттер хуудсандаа ОХУ-ын Батлан хамгаалахын сайд С.Шойгугийн энэ сарын 17 /2023.01.17/-нд зарласан зэвсэгт хүчнийхээ тоог нэмэгдүүлэх, ЗХУ-ын үед байсан зарим зохион байгуулалтын бүтцийг сэргээх төлөвлөгөөний талаар ярилцсан талаар мэдээлжээ.
- С.Шойгу 2023-2026 онд армийнхаа тоог нэг сая хагаст хүргэх төлөвлөгөөтэй байгаагаа зарласан. Энэ нь хэдхэн сарын өмнө зарласан албан хаагчдын тоог 11 хувиар нэмэгдүүлж 1.35 саяд хүргэх явдал юм.
- С.Шойгу мөн Москва, Ленинградын цэргийн тойргийг сэргээн байгуулснаа зарласан бөгөөд энэ нь Британийн армийн онцолж буйгаар "Зөвлөлтийн үед Оросын баруун хэсэгт цэргийн зохион байгуулалтад хэсэгчлэн эргэн орсон" гэсэн үг юм. Финляндтай хиллэдэг Карелияд шинэ армийн корпус байгуулахаар төлөвлөж байна.
С.Шойгугийн төлөвлөгөө нь Украинтай хийж буй дайны дараа цөмийн бус цэргийн аюул заналхийлэл олон жилийн турш үргэлжлэх болно гэдгийг харуулж байна. Гэсэн хэдий ч Орост энэ төлөвлөгөөг боловсруулж, хэрэгжүүлэхэд хэцүү байх магадлал өндөр юм” гэж Их Британийн цэргийн тагнуулынхан бичжээ.
Эх сурвалж: BBC
