Төв аймгийн Заамар суманд хадлан бэлтгэж байсан иргэн осолдож харамсалтайгаар амь насаа алдсан хэрэг гарчээ.
Тодруулбал, 35 настай эрэгтэй М.З нь хадлангийн талбайдаа өвс боож байгаад тракторын өвс боогч төхөөрөмжид хавчуулагдаж улмаар газар дээрээ нас барсан байжээ. Талийгаачийн хувцас төхөөрөмжид орооцолдсоны улмаас уг осол гарсан нь тогтоогдсон ба хөл гар нь таслагдсан байдалтай нас барсан аж. Хэргийг Төв аймаг дахь цагдаагийн газарт шалгаж байгаа юм байна.
