Өнгөрөгч долоо хоногт онгоцны ослоор амиа алдсан Оросын Вагнер хөлсний цэргийн бүлгэмийг үүсгэн байгуулагч Е.Пригожиныг өчигдөр /2023.08.29/ оршуулсан байна. Энэ талаар Е.Пригожинын хэвлэлийн албанаас, "Е.Пригожинтэй салах ёс гүйцэтгэх ажиллагаа хаалттай хэлбэрээр явагдах бөгөөд баяртай гэж хэлэх хүсэлтэй хүмүүс Санкт-Петербург хотын Пороховское оршуулгын газарт очиж үзэх боломжтой" гэж мэдээлжээ. Харин "ОХУ-ын ерөнхийлөгч В.Путин онгоцны ослоор нас барсан "Вагнер" компанийн үүсгэн байгуулагч Е.Пригожиныг оршуулах ёслолд оролцохгүй" гэж Кремлын хэвлэлийн төлөөлөгч Д.Песков мэдэгджээ.
Эх сурвалж: Varlamov news