Ромын Пап лам Франциск есдүгээр сарын 4-ний даваа гарагт өндөрлөх түүхэн айлчлалд өнөөдөр буюу наймдугаар сарын 31-ний пүрэв гарагийн үдээс хойш Улаанбаатар хотыг зорих гэж байна.
Ватикан хот нь Улаанбаатар хотоос 8 мянган гаруй км зайтай юм. Албан ёсоор Монголд ердөө 1300 католик шашинтан амьдардаг бөгөөд энэ нь тус улсын 3.3 сая хүн амын 1% ч хүрэхгүй юм. Бага боловч 1990-ээд оны эхээр тус улсад уугуул католик шашинтнууд бараг байгаагүй. Энэ нь 1920-иод оноос 1990 он хүртэл үргэлжилсэн, шашны бүх хэлбэр, ялангуяа давамгайлсан Төвдийн буддизмыг хэлмэгдүүлсэн тус улсын коммунист дэглэмтэй холбоотой.
Ромын пап энэ удаагийн айлчлал олон талын зорилго ач холбогдолтой талаар бид өмнө мэдээлсэн. ЭНД дарж харна уу.
Мөн Монголын нийслэлээс 400 км-ийн зайд орших Арвайхээр хот номлогчийн хувьд асар их ач холбогдолтой аж. Учир нь Арвайхээрр дэх номлол гучаад жилийн өмнө эхэлжээ. Үүнээс өмнө Монголд Католик сүмийн ул мөр байгаагүй аж. 1992 онд Зөвлөлт Холбоот Улс задран унасны дараа Монгол Улс дахин сэргэж, Мариагийн Гэмгүй Зүрхний Чуулганы Монсеньор Венслао Падиллад Монгол дахь номлолдоо эхлэх боломжийг олгосон юм. Тиймээс Ромын пап Арвайхээр хотоор зочилж магадгүй гэсэн мэдээлэл цацагджээ. Түүнчлэн Ромын пап Франциск айлчлалынхаа үеэр Ерөнхийлөгч Ухнаагийн Хүрэлсүхэд бараалхаж, Монгол Улсын Их Хурлын даргатай уулзан, Ерөнхий сайд Лувсаннамсрай Оюун-Эрдэнэд бараалхах юм. Мөн тэрбээр бишопууд, тахилч нар, номлогчид, ариусгагдсан хүмүүс болон малчидтай уулзах болно.
