Баян чинээлэг үйлчлүүлэгчдэд шилжүүлэн суулгахаар хүний бөөрийг хууль бусаар тасдаж авдаг эмчээр ахлуулсан найман хүний бүрэлдэхүүнтэй бүлэглэлийг Пакистанд баривчилсан талаар BBC агентлаг мэдээлжээ. Учир нь зарим донорууд мэс засал хийхийг зөвшөөрөөгүй байхад нь тэд бөөрийг нь авдаг гэж тус улсын эрх баригчид мэдээлсэн байна.
Тодруулбал, Пакистаны Пенжаб мужийн засгийн газрын тэргүүн Мохсин Накви ням гараг /2023.10.01/-т хийсэн хэвлэлийн бага хурлынхаа үеэр хэлэхдээ, "доктор Фавад Мухтар донор өвчтөнүүдийн зөвшөөрөлгүйгээр тэдний бөөрийг гэртээ хагалгаа хийдэг байсан. Ийнхүү тэрээр дор хаяж 328 хагалгаа хийж үүний улмаас дор хаяж гурван донор нас барсан" гэжээ. Харин Пакистаны мөрдөн байцаагчдын мэдээлж буйгаар, "баривчлагдсан хүмүүс гадаадын өвчтөнүүдэд 10 сая рупи буюу 120 мянган ам.доллар, Пакистаны өвчтөнүүдэд гурван сая рупигээр бөөрийг зардаг байсан гэжээ.
Эх сурвалж: BBC
