АНУ-ын Ерөнхийлөгч Жо Байден Израильд ирснийхээ дараа хийсэн хэвлэлийн бага хурлынхаа үеэр "Газ зурваст байдаг нэгэн эмнэлэгт болсон аймшигт халдлагад харамсаж, уурлаж" байгаагаа мэдэгджээ. Тэрээр Хамас бүлэглэл Палестины ард түмнийг төлөөлдөггүй бөгөөд тэдэнд зовлон зүдгүүрээс өөр юу ч авчирсангүй гэдгийг санаж байхыг олон улсын хамтын нийгэмлэгт уриалсан байна.
Мөн Жо Байден ямар нөхцөлд АНУ Израильд туслах амлалтаа дахин нотлож байна гэжээ. Тэрбээр, "Би Израилийн ард түмний тухай хэлмээр байна. Тэдний эр зориг, эх орныхоо төлөө зүтгэж байгаа байдал үнэхээр гайхалтай. "Би энд байгаадаа маш их бахархаж, цаашид хаашаа явах талаар бүтээлч яриа хэлэлцээ хийхийг тэсэн ядан хүлээж байна" гэжээ. Харин Израилын Ерөнхий сайд Биньямин Нетаньяху хэлсэн үгэндээ, “Соёл иргэншсэн ертөнц бүхэлдээ нацистуудын эсрэг нэгдэж байсан шиг одоо Хамас бүлэглэлийн эсрэг нэгдэх ёстой. Соёл иргэншлийн хүчнүүд бидний нэрээр, таны нэрээр, энх тайван, аюулгүй байдлын нэрийн өмнөөс ялах болно" гэжээ.
Эх сурвалж: BBC
