БНСУ-ын 13 дахь удаагийн Ли Тэ Сок үйлчилгээний шагналын эзнээр Цэнхэр Ази Монгол дахь салбарын тэргүүн Шин Ки Хо шалгарчээ. Түүний уур амьсгалын өөрчлөлтийн асуудлыг шийдвэрлэх чиглэлээр 13 жил Монголд ажиллаж буй хөдөлмөрийг нь үнэлж тус шагналыг олгожээ.
Цэнхэр Ази нь ашгийн бус байгаль орчны байгууллага юм. Тус байгууллагын Монгол дахь салбарын тэргүүн Шин Ки Хо нь 2010 оноос хойш Монголд ой модыг бий болгоход тусалж, оршин суугчдыг уур амьсгал, байгаль орчны асуудлыг бие даан шийдвэрлэхэд нь ажлуудыг хийсэн байна. Ингэхдээ орон нутгийн цаг уурын орчны идэвхтнүүд болон суурин байгууллагуудтай хамтран Монгол Улсын Төв аймгийн сумуудад мянга 200 орчим хөл бөмбөгийн талбайтай тэнцэх хэмжээний мод тарьжээ.
Мөн орон нутгийн иргэдийг орлоготой болгох зорилгоор ойн аж ахуй, хөдөө аж ахуйн боловсролын төв байгуулах ажлыг удирдан зохион байгуулсан байна. Энэ ажлын хүрээнд зэлүүд газарт мод тарьж, газар шороогоо аварч, газар дээр нь тарьсан тариагаа зарж орлого олохыг уриалж, цөлжилтөд нэрвэгдсэн Монголын хоёр мянга 800 орчим өрхийн амьдралыг дээшлүүлжээ. Дэлгэрэнгүйг ЭНД ДАРЖ харна уу.
