АНУ дахь БНХАУ-ын Консулын газрын гадаа Өвөрмонголын нэрт улстөрч Тоочогийн Энхбатын цөөнхийн үзэл санааг илэрхийлж “Өмнөд Монголын тусгаар тогтнолын төлөө” гэх самбар, Чингис хааны хөргийг барьж жагсаал зохион байгуулжээ.
Уг цуглаанд бусад цөөнх үндэстнүүд оролцож Өвөр Монголын эрх чөлөө, тусгаар тогтнолыг хүндэтгэх тухай Өмнөд Монголын иргэдийн шаардлагад нэгдэж байгаагаа илэрхийлсэн байна.
Өвөрмонголын нэрт улстөрч Тоочогийн Энхбатын хувьд өнгөрсөн арваннэгдүгээр сарын 30-нд болсон НҮБ-ын цөөнхийн асуудлаарх форумын үеэр Хятад дахь Монголын ард түмнийг төлөөлөн Монголчуудын өмнө тулгамдаж буй хоёр том асуудлыг хүргэсэн юм.
Нэгдүгээрт, “Монгол хэлийг бүрмөсөн устгахад чиглэсэн Хятадын шинэ хэлний бодлого юм. Бүс нутгийн хэмжээнд олон нийтийг хамарсан эсэргүүцлийн жагсаал болсон ч Хятадын төв засгийн газар энэ бодлогыг хүчээр хэрэгжүүлж, энэ есдүгээр сард монгол хэлийг бүхэлд нь хориглов. Дахин давтан хэлье: БНХАУ-ын хилийн доторх “Өөртөө засах орон” гэх болон хөрш зэргэлдээх Монгол нутагт монгол хэлийг бүрэн хориглосон. "Хятад хэлээр ярьж, соёлтой хүн болоорой" гэдэг нь "Хятадын ноёрхлыг" олон нийтэд сурталчилсан албан ёсны уриа юм. Бүх сургуулийн сурах бичгийг хятад хэл рүү бүрэн шилжүүлсэн. Хятадын засгийн газар өөрийн үндсэн хуулиа үл тоомсорлож, Хятад хэлийг Хятад дахь цорын ганц албан ёсны хэл гэж зарлав. Монгол ном хэвлэлийг хориглосон, Гудамж, цэцэрлэгт хүрээлэн, барилга байгууламжаас монгол бичиг, тэмдэг, баримал буулгасан; Хичээлээс гадуур монгол хэл сурах, заах нь хүртэл хууль бус болсон. Үндсэн хуульд ямар нэгэн албан ёсны нэмэлт, өөрчлөлт оруулалгүйгээр Хятадын Үндэсний Конгресс "Цөөнхийн хэлээр боловсрол олгох нь үндсэн хууль зөрчсөн.
Хоёрдугаарт, “Хятадын Засгийн газраас Монголын нийт хүн амд чиглэсэн олон нийтийн сургалтын хөтөлбөрийг бүс нутгийн хэмжээнд эхлүүлсэн.Улмаар Монгол оюутан, багш нар хоорондоо монголоор ярихыг хориглож, хөдөөгийн монгол малчдыг гэртээ хятад хэлээр ярихыг албадан, Монголчууд “хятад соёл, хятад хэл, хятад уламжлал”-ыг “дээд” хэмээн хүлээн авахаас өөр аргагүйд хүрч байна. Хатагтай дарга аа, энэ бол соёлын геноцидээс өөр юу ч биш, Монголын хүн ам, тэдний хэл, соёл, өвөрмөц онцлогийг бүрмөсөн устгах зорилготой геноцидын нэг хэлбэр” гэж мэдэгдээд байгаа юм.
