Польш Улс Оросын хэргийг түр хамаарагчаа дуудаж, Польшийн агаарын орон зайг пуужингаар зөрчсөн үйл ажиллагааг нэн даруй зогсоохыг шаардлаа гэж Польшийн Гадаад хэргийн яам баасан гарагийн /2023.12.29/ орой мэдэгдэл хийжээ.
Энэ талаар Польшийн Зэвсэгт хүчний жанжин штабын мэдээлснээр, баасан гарагийн өглөө Оросын пуужин НАТО-гийн гишүүн орны агаарын орон зайд нэвтэрчээ. Үүний дараа Украины эрх баригчид нэг шөнийн дотор Украины хэд хэдэн хотуудад халдлага үйлдсэн тухай мэдээлсэн байна.
Харин Варшав дахь ОХУ-ын хэргийг түр хамаарагч Андрей Ордаш РИА Новости агентлаг өгсөн мэдээлэлдээ “ОХУ-ын пуужин Польш Улсын агаарын бүсэд нэвтэрч, хил зөрчсөн гэх ямар ч нотлох баримт надад ирүүлээгүй. Тухайлбал, Арванхоёрдугаар сарын 29-ний өглөө агаарын биет Польшийн агаарын орон зайг зөрчсөн гэх үндэслэлгүй нотолгоог надад өгсөн. Польшийн мэргэжилтнүүд үүнийг Оросын удирдлагатай пуужин гэж тодорхойлсон” гэжээ. Харин Баасан гарагийн /2023.12.29/ үүрээр Польшийн хоёр, Америкийн хоёр F-16 сөнөөгч онгоц холбоотны агаарын танкийг хөөн гаргасан гэж Польшийн Зэвсэгт хүчний ажиллагааны командлагч X хуудсанд бичжээ.
Эх сурвалж: Reuters