Украины арми ОХУ-ын Хар тэнгисийн флотын "Ивановец" хөлөг онгоцыг устгасан хэмээн өнөөдөр /2024.02.01/ зарласан нь олон улсын хэвлэлүүдийн анхааралд ороод байна.
Тодруулбал, Украины Батлан хамгаалах яамны Тагнуулын ерөнхий газраас, "хоёрдугаар сарын 1 /2024.02.01/-ний шөнө Украины зэвсэгт хүчин Оросын Хар тэнгисийн флотын пуужин тээвэрлэгч "Ивановец" хөлөг онгоцыг устгасан гэж мэдэгдсэн байна. Тус мэдээлэлд, Оросын "Ивановец" хөлөг онгоц Крымийн Доузлав нуурын замд байсан бөгөөд пуужингаар шууд мөргөсний улмаас живсэн гэжээ. Харин ямар төрлийн зэвсэг ашигласан талаар тодорхой мэдээлээгүй байна.
ВИДЕО:
#BREAKING Ukraine destroyed Russian Project 1241 Molniya class “Ivanovets” corvette on Lake Donuzlav in Crimea with kamikaze USV.
— Clash Report (@clashreport) February 1, 2024
Ivanovets received several direct hits, including in the area where the P-270 Moskit anti-ship missiles were located, which led to their detonation… pic.twitter.com/itx8LVmBKY
Украины талын нийтэлсэн дүрс бичлэгт, жижиг завьнууд хөлөг онгоц руу ойртож, үүний дараа хүчтэй дэлбэрэлт болж буйг харуулсан байна. Өнгөрсөн хугацаанд Украины арми алсын удирдлагатай завь ашиглан Оросын хөлөг онгоцны эсрэг ажиллагаа явуулж эхэлсэн байна. Харин Оросын эрх баригчид энэ мэдээлэлд одоогоор тайлбар хийгээгүй байгаа аж. Мөн Оросын Хар тэнгисийн флотын сайтад бичсэнээр "Ивановец" хөлөг онгоц нь 493 тоннын багтаамжтай, 56 метрын урттай ба дөрвөн пуужин харвах төхөөрөмжтэй бөгөөд 41 хүний бүрэлдэхүүнтэй гэжээ.
Эх сурвалж: BBC
