Хятадын дотоодод зохион бүтээж, үйлдвэрлэсэн C919 зорчигч тээврийн онгоц анхны олон улсын арилжааны нислэгээ өнөөдөр /2026.08.12/ хийж, Монгол Улсын нийслэл Улаанбаатар хотод амжилттай газардлаа.
Хятадын Global Times сонинд мэдээлснээр, “Air China” компанийн C919 онгоц Бээжингийн Нийслэлийн олон улсын нисэх буудлаас өнөөдөр 15:00 цагт хөөрч, Улаанбаатарын Чингис хаан олон улсын нисэх буудалд 17:00 цагийн орчимд газардсан байна. Онгоцыг газардсаны дараа усан хөшгөөр хүндэтгэл үзүүлэн угтжээ. “Air China” компани энэ өдрөөс эхлэн C919 онгоцоор Бээжин–Улаанбаатарын CA723/CA724 дугаартай нислэгийг өдөр бүр үйлдэхээр төлөвлөжээ.
Эх сурвалж: Global Times
