.jpg)
Тайванийн ойролцоо дэгдсэн “Чампи” хар салхины улмаас нэг хүн амиа алдаж, 527 хүн гэмтсэн талаар тус улсын Онцгой байдлын төв болон Цаг уурын төвөөс аравдугаар сарын 24-нд мэдээлжээ.
Хар салхины үеэр өмнөд Тайванийн Пинтун мужийн Люцю аралд нэг эрэгтэй далайн хүчтэй давалгаанд автан амиа алдсан байна. Мөн хүчтэй салхи, аадар борооны улмаас мод, сурталчилгааны самбар унаж, цахилгааны шугам болон барилга байгууламжид гэмтэл учирчээ.
Тайванийн Цаг уурын төвийн мэдээлснээр, “Чампи” хар салхи арлын зүүн хойд хэсэгт орших Илань мужаас зүүн хойд зүгт ойролцоогоор 170 километрийн зайд байрлаж, хойд зүгт цагт 21 километрийн хурдтай хөдөлж байв. Хар салхины төвийн ойролцоох салхины хурд цагт 126 километрт хүрч, зарим эргийн бүсэд салхины ширүүсэлт цагт 221 километрээс давсан байна.
Хар салхи Тайванийн нутагт шууд хүрээгүй ч өргөн хүрээний хүчтэй салхи, бороо дагуулснаар олон бүсэд хохирол учруулжээ. Түүнчлэн нислэгүүд цуцлагдаж, сургууль, ажлын байруудын үйл ажиллагааг түр зогсоосон байна. Хар салхины улмаас 280 мянга гаруй өрх цахилгаангүй болсон бөгөөд сэргээн засварлах ажлын үр дүнд цахилгаан хангамжийн ихэнх хэсгийг сэргээжээ.
Аравдугаар сарын 24-ний байдлаар “Чампи” хар салхи суларч, Тайванийн нутгийг чиглэсэн аюул буурсан тул газрын хар салхины сэрэмжлүүлгийг орон нутгийн цагаар оройн цагаар цуцлахаар төлөвлөж байв. Харин арлын хойд болон зүүн хэсгийн далайн эрэгт хүчтэй давалгаа үргэлжлэх төлөвтэй байжээ.
Эх сурвалж: Focus Taiwan, Reuters.
.jpg)
.jpg)
