Өчигдөр /2021.05.26/ Сонгинохайрхан дүүргийн 24-р хороо Зээлийн ... тоотод оршин суух гэр бүлийн дөрвөн хүн угаартаж нас барсан харамсалтай хэрэг гарчээ.
Тодруулбал, 38 настай Б.А, 25 настай Д.Ж, 11 настай А.М, 6 настай А.Н угаартаж нас барсан байна.
Хэрэг гарсан талаарх дуудлага мэдээллийг талийгаачийн ах анх мэдэж цагдаад мэдэгдсэн бөгөөд хэргийн газарт очиход ил харагдах гэмтэл, шархгүй угаартсан байдалтай байсан байна. Дуудлагын дагуу шалгахад Монгол гэрийн өрхийг бүтээсэн, төслийн зуухны янданг салгасан, сайжруулсан түлш түлсэн, утаа мэдрэгч ажиллагаагүй байсан гэдэг нь тодорхой болжээ.
