Энэ зун ОХУ-д болсон их үерт хохирсон Эрхүү мужийн хүүхдүүдийг Монгол улс хүлээн авч, “Найрамдал” зуслан, Эрдэнэт хотын хүүхдийн зусланд амраасан билээ.
Монголд зуны амралтаа өнгөрөөсөн хүүхдүүд өчигдөр гэртээ харилаа. Монголд байх хугацаандаа тэд Улаанбаатар хотоор зугаалж, Оросын шинжлэх ухаан, соёлын төвд зочилж, Монголын анхны сансрын нисгэгч Ж.Гүррагчаагийн гэрт дайлуулан, Монголын Ерөнхийлөгчтэй уулзаж, адал явдал ихтэй өнгөрөөсөн байна.
