Нийслэлийн Сонгинохайрхан дүүргийн 21 дүгээр хороо 361 дүгээр гарамын төв замын хажууд автомашины төмөр хийцэд хүн хавчуулагдаж нас барсан, тусламж хэрэгтэй байна гэсэн дуудлагыг өчигдөр/2021.09.08/ 12 цагийн орчимд Нийслэлийн Аврах ангийн алба хаагчид хүлээн авсан байна.
Аврагчдыг очих үед “Ниссан Идван” загварын автомашин, “Хово” загварын автомашинтай мөргөлдөж, Баянгол дүүргийн 1 дүгээр хороонд оршин суудаг иргэн Б гэх 47 настай эрэгтэй автомашины төмөр хийцэд хавчуулагдаж нас барсан байжээ.
Аврах ангийн алба хаагчид цогцсыг гарган авч тус дүүргийн Замын цагдаагийн хэлтэст хүлээлгэн өгсөн байна.
