Монголын төмөр замаар олон тооны цэргийн техник тээвэрлэсэн вагон явж буй бичлэг олон нийтийн сүлжээнд гарч, зарим иргэдэд олон талын асуултыг бий болгоод байсан.
Тэгвэл энэ талаар Регнум агентлаг, “ОХУ-ын Дорнод цэргийн тойргийн Мотобуудлагын ангийн Буриадын Хиагт хотод байрлах хэсгүүд Монгол руу төмөр замаар илгээх цэргийн техникүүдээ ачиж дуусгасан байна. Эдгээр цэргийн техникүүдийг Монгол Улсад болох "Сэлэнгэ-2021" сургуулилалтын үеэр ашиглах юм.
"Сэлэнгэ-2021" сургуулилалт Монголын Дойтын ам полигонд болох юм. Олон улсын цэргийн сургуулилалтад Оросын Дорнод цэргийн тойргоос мотобуудлага болон танкийн хэсгүүд оролцоно. Энэ сургуулилалт 2008 оноос эхлэн жил бүр явагдаж байна” хэмээжээ.