Өчигдөр /2021.10.15/ “Камертон” хамтлагийн 26 жилийн ойн баярын тоглолт“Zaisand hill” – д болсон нь иргэд, эрүүл мэндийн салбарынхнаас багагүй шүүмжлэл дагуулаад буй.
Тэгвэл цар тахлын үеэр халдвар хамгааллын дэглэм зөрчин, тоглолт зохион байгуулсан "Zaisan hill" цогцолборт Зөрчлийн хэрэг үүсгэн шалгаж байна гэж өнөөдөр /2021.10.16/ Нийслэлийн Засаг даргын тамгын газрын хэвлэлийн төлөөлөгч Н.Сугар мэдэгдлээ.
Тэрбээр "Zaisan hill хариуцлагын гэрээ байгуулаагүй. НОК-оос "Камертон" хамтлагийн тоглолтыг ямар нэг байдлаар дэмжиж, зөвшөөрөөгүй. Танхим дүүргэлт 50 хувиас хэтэрсэн. Халдвар хамгааллын дэглэм сахих боломжгүй нөхцөл бий болгожээ. Тиймээс зөрчлийн хэрэг үүсгэн шалгаж эхэлсэн" гэсэн байна.
