Нийслэлийн Засаг дарга Д.Сумъяабазар Улаанбаатар хотын төвд зургаан давхраас дээш барилга бариулахгүй гэх шийдвэрийг эсэргүүцэж, барилгын зөвшөөрөл олгосоор буй Нийслэлийн Ерөнхий архитектор Н.Нацагдоржийг огцруулахаар Нийслэлийн ИТХ-ын төлөөлөгчид гарын үсэг цуглуулж эхэлсэн талаар бид өмнө нь мэдээлж байсан билээ. Холбоотой мэдээллийг ЭНД ДАРЖ уншина уу.
Тэгвэл Нийслэлийн Ерөнхий архитектор Н.Нацагдоржийг огцруулахаар НИТХ-ын төлөөлөгчид гарын үсэг цуглуулж дуусаад өнгөрсөн баасан гарагт /2022.09.16/ хүсэлтээ Нийслэлийн Засаг дарга Д.Сумъяабазарт хүргүүлсэн талаар албаны эх сурвалж мэдээлэв. НИТХ-ын төлөөлөгчдийн дээрх санал хүсэлтийг Хотын дарга Д.Сумъяабазар эцэслэх юм.