Хууль зүй, дотоод хэргийн сайд Х.Нямбаатар жагсагчдад тарахыг уриалсан ч жагсагчид түүний хүсэлтийг хүлээн авахаас татгалзжээ.
Тэрбээр "Соёлын төв өргөөнд зураач нарын үзэсгэлэн гарсан. Маргааш /өнөөдөр/ үзэсгэлэн дуусна. Иймд та бүхэн даваа гарагаас эхлэн СТӨ-нд орж болно. Гэхдээ зохион байгуулалтад орох хэрэгтэй байна. Нүүрсний жинхэнэ хулгайч нарын нэрсийг зарласангүй гэж байна. Манай улс хуульт ёстой. Хуулийн дагуу гэм бурууг гагцхүү шүүх тогтооно. Нүүрсний хулгайтай холбоотойгоор УИХ-ын долоон гишүүн, улс төрд нөлөө бүхий 17 хүнийг шалгаж, эхнээсээ мэдүүлэг авч эхэлсэн. Бид 1994 оноос хойш ялын бодлогоо чангаруулаагүй байв. Харин Эрүүгийн хууль, Эрүүгийн байцаан шийтгэх хуулийг яаралтай горимоор хэлэлцсэн нь том үр дүн шүү. Нууц байсан материалуудад шинжээч нар ажиллаж байна. Та бүхэн энэ хүйтэнд жагсаал цуглаанаа өндөрлөнө үү" гэжээ.
Гэвч жагсагчид түүний энэхүү хүсэлтийг хүлээж авахаас татгалзаж, жагсаалаа үргэлжлүүлнэ гэдгээ мэдэгдсэн байна.
