Соёлын тэргүүний ажилтан жүжигчин Д.Баттөмөрийн найруулж, гол дүрд нь тоглосон “Трио” уран сайхны киног Швейцарийн Женев хот дахь НҮБ-ын байранд энэ сарын 20-нд гаргахаар болжээ.
Тодруулбал, Хөгжлийн бэрхшээлтэй хүмүүсийн эрхийн асуудлаарх 28-р чуулган Женев хотноо болно. Энэ үеэр тус киног гаргахаар НҮБ-аас тусгай урилга ирүүлсэн аж. Олон улсын А зэрэглэлийн наадмаас 46 жилийн дараа шилдэг уран бүтээлийн шагнал хүртсэн “Трио” УСК дэлхийн үзэгчдэд ийн хүрэхээр болжээ.