Яг одоо Сүхбаатарын талбайд бүх шатны боловсролын байгууллагын ажилчдын төлөөлөл эсэргүүцлийн жагсаал хийж байна. Тэд дараах гурван шаардлагыг тавьж жагсаж буй аж.
Тодруулбал:
- НЭГД, Боловсрол, шинжлэх ухааны салбарт ажиллаж буй ажилчдын цалинг дөрөвдүгээр сарын 01-ны өдрөөс тооцож цалинг 50 хувиар нэмэгдүүлэх.
- ХОЁРТ, Урамшуулал нэмэгдлийн хувь хэмжээг өсгөх.
- ГУРАВТ, Төрийн өмчийн их, дээд сургуулиудын тогтмол зардлыг нэмэгдүүлэхийг шаарджээ. Тэд шаардлагынхаа хариуг дөрөвдүгээр сарын 10-ны өдөр авах бөгөөд шийдвэрлэж өгөхгүй бол тэмцлийн хурц хэлбэрт шилжинэ гэдгээ мэдэгдлээ. Боловсролын байгууллагын ажилчдын дийлэнх нь нэг сая хүрэхгүй төгрөгийн цалин гар дээрээ авдаг бөгөөд нийгмийн анхдагч хэрэгцээгээ хангахад ч хүрэлцэхгүй байгааг илэрхийлэв.