Мянган эмэгтэйг ажлын байраар хангаж, Монголын савангийн хэрэглээний 50 хувийг дотооддоо үйлдвэрлэх зорилготой “Mongol Made” нэгдэл Ховд аймагт салбараа нээжээ.
Ховд аймгийн Засаг Дарга Э.Болормаа аймагтаа ажлын байр шинээр бий болгож, савангаа өөрсдөө үйлдвэрлэн аймгийнхаа хэрэгцээг хангаад зогсохгүй цаашлаад хилийн боомт бүхий аймгийн давуу талаа ашиглан саван экспортлох зорилгоор хоногт 1000 саван үйлдвэрлэх хүчин чадалтай савангийн үйлдвэрийг дэмжин ажиллахаа илэрхийлжээ. Ингэснээр Ховдчууд савангаа өөрсдөө үйлдвэрлэж эхэллээ.
