_1105.jpg)
Итали улсын иргэн, мотоцикльтэй аялагч Sandro Travaglini 2019 оны арваннэгдүгээр сарын 10-ны өдөр Алтанбулаг хилийн боомтоор дамжин Монгол улсын нутаг дэвсгэрт орж ирээд сураггүй алга болсон гэх мэдээлэл гарсан.
Тэрбээр хамгийн сүүлд энэ сарын 16-ны өдөр зургаа өөрийн цахим хуудаснаа оруулаад сураггүй болсон хэмээж байв.
Түүнийг эрэн хайх ажиллагааг "Монголын уулын дугуйтай аялагчид" ТББ-аас зохион байгуулаад байсан юм.
Тэгвэл Италийн дугуйтай аялагч Sandro Travaglini-г эсэн мэнд нутаг буцаж буй тухай мэдээлэл гадаадын зарим хэвлэлээр гарчээ.
Тус аялагч нь долоо хоног хэнтэй ч холбоо барилгүй сураггүй байсан учраас ар гэрийнхэн нь сандарч "Монголын уулын дугуйтай аялагчид" ТББ-п ханджээ.
Түүнийг эсэн мэнд харьж яваа талаар доорх газарт бичсэн байна.
