Өнөөдөр коронавирусийн халдварын нөхцөл байдал, түүнээс урьдчилан сэргийлэх талаар Улсын онцгой комисс хуралдан шийдвэрээ гаргалаа. Халдварт өвчинтэй холбоотойгоор энэ жил Цагаан сарын баярыг хязгаарлах шийдвэр гаргасан.
Уг баярыг гэр бүлийн хүрээнд цомхон тэмдэглэх, байгууллага хамт олны золголт хийхгүй байхыг анхаарууллаа.
Ухань хотод байгаа оюутнуудын хувьд хоёр иргэн буцаж ирэхээс татгалзсан бөгөөд үлдсэн оюутнуудыг авчирхад шаардлагатай бүх бэлтгэл, түүнтэй холбоотой зардлыг Улсын онцгой комиссын хуралдаанаар ярилцаж шийдвэрлэжээ. Мөн Харилцаа Холбооны Зохицуулах Холбоотой хамтран иргэдэд үнэн, зөв мэдээлэл, зөвлөмжийг цаг алдалгүй хүргэхээр болжээ.