“Цөмийн зэвсэггүй дэлхий. Цаазаар авах ялгүй дэлхий" хэлэлцүүлэгт Япон дахь “The Elders” болон ICOMDP-тэй нэгдэж хэлэлцүүлэг хийсэн бөгөөд уг хэлэлцүүлэгт Монгол Улсын Ерөнхийлөгч асан Ц.Элбэгдорж оролцжээ.
Энэ талаар Ц.Элбэгдорж өөрийн цахим хуудсаараа дамжуулан “Бид уулзалтаараа “Хирошима дахин хэзээ ч болохгүй” тунхаглалыг гаргаж, цөмийн зэвсэгтэй орнуудын удирдагчдад хандсан. Аз болоход ийм үндэстнүүдийн тоо нэг оронтой тооноос хэтрээгүй байна. Энэ гараг дээр цөмийн зэвсгээс илүү хэрэггүй зүйл үнэндээ байхгүй. Эдгээр зэвсгүүд бидний үед бүтээгдсэн, тэдгээрийг бидний үед дуусгах болтугай. Хибакушагийн (атомын бөмбөгөөс амьд үлдсэн хүмүүс) төлөөлөгчид бидэнтэй уулзахдаа "Дэлхийг цөмийн зэвсгээс ангижруулахад тусална уу" гэж хэлсэн” гэж бичжээ.
Мөн түүнийг Японы Ерөнхий сайд Шигэрү Ишибатай албан ёсны уулзалт хийх үеэр "Энэ аймшигт аймшгийг биеэр амссан цорын ганц орны хувьд бид таны сайн үйлсийг бүрэн дэмжиж байна" гэж хэлжээ. Мөн энэ намар болох НҮБ-ын Ерөнхий Ассамблейн чуулганы үеэр авч болох арга хэмжээ зэрэг цаашдын хамтын ажиллагааны талаар болон хоёр жилийн дараа Дэлхийн Монголчуудын Холбооны дараагийн наадмыг Японд зохион байгуулах талаар ярилцжээ.
Мөн Ерөнхийлөгч асан Ц.Элбэгдорж энэхүү уулзалтынхаа талаар, “Японы хүний эрхийн байгууллагууд, цаазын ялын эсрэг үйл ажиллагаа явуулдаг идэвхтнүүд намайг эртнээс урьсаар ирсэн. Мөн манай ажилтнууд Мадридаас ирсэн. Европын бараг бүх элчин сайдын яамд, дипломатууд идэвхтэй оролцов. Бидний хэлэлцүүлэгт Японы хуульчдын холбоо болон эрүүгийн эрх зүйгээр мэргэшсэн хуульч эрдэмтэд идэвхтэй оролцлоо. Тэд энэ асуудлаар иж бүрэн судалгаа хийж, дүгнэлт, саналаа хууль санаачлагчид болон холбогдох яамдад хүргүүлээд байна. Мөн би энд байх хугацаандаа өдөр бүр тусгай ярилцлага, хэлэлцүүлэгт оролцдог байсан. Асахи, Токио Шимбун, Майничи Шимбун, Киодо мэдээллийн агентлаг зэрэг нөлөө бүхий сонины редакцийн багууд тусгайлсан уулзалт, ярилцлага хийсэн.
Мөн Үндэсний хэвлэлийн хүрээлэн, Гадаадын сурвалжлагчдын клубын гишүүдтэй уулзаж ярилцсан. Рисшо их сургууль намайг энэ сэдвээр лекц уншихыг урьсан бөгөөд би мөн НҮБ-ын их сургуульд зочилсон.
Японы Хууль зүйн сайд залуу, эрч хүчтэй, ирээдүйтэй, гялалзсан улс төрч надтай уулзлаа. Олон оронд төрийн тэргүүн цаазаар авах ялын эрх мэдэлтэй байдаг бол Японд энэ эрх мэдэл Хууль зүйн сайдад байдаг. Бидний уулзалт үр дүнтэй болж, мэргэжлийн англи хэл дээрх яриагаар өндөрлөлөө. Мөн Гадаад харилцааны яаманд хариуцлагатай сайд болон дипломатуудтай нээлттэй ярилцлаа” гэжээ.
